বাজান আমার কইও একবার নাইওর নিতা আইয়া।। আস্তা বছর খুশির এক খবর আসিন মাসর ভাও। ভাটি অঞ্চন থাকিও তখন আইত দৌড়র নাও।। মুলইবাজার মনুনদিত হইতও নৌকা বাইছ। একে অইন্যরে কইতা হোনরে কাইল মাদানে আইছ।। খবর পাইতা দুরহইত আইতা করতা হোড়াহোরি। কার আগে কেবা দেখতা লাগত কত বেরা-বেরি।। হকল মিলতা হাইর গাইথা বাজাইতা বড় ঝাইন। বৈটার যে টান দৌড়ে তুফান লগে লইয়া বাইন।। চাঁদনী ঘাট নৌকার হাট এক সমানি  হইয়া । এক দৌড়ে জুগিডরে জাইত ধাইয়া ধাইয়া ।। সমবারে উগার ভরে রবিবারে লাগাই। শনির দশায় পাইলরে হায় সব গেল হারাই।। গৌরবেরই উগার ভরি মুলইবাজার ঘীরে । সুখে তাকি সুখেই আছি মনুনদির পাড়ে।। আগর দিনো থাকতো মনু হকল সময় ভরা। পানি আইলে আনন্দ মিলে ধইয়া নিত সারা।। মনুনদির উজানর তির ভারতর পাহাড়। পাহাড় দিয়া মাল লামাইয়া করতা বেফার।। ………. গত সংখ্যার পর ।